Halkani waa ceeryaanta lagu magacaabo Madaxfardooleyda (Horsehead nebula; سديم رأس الحصان) oo inoo jirta 1500 oo sannad-ilayseed, waxa ayna dhacdaa ceeryaanta kale ee weyn ee Oraayanta (Orion nebula; سديم الجبار) dhexdeeda oo ka tirsan ururxiddigeedkeenna Diillincaanoodka (Milky way; درب التبانة), dhexroorkeeduna waa 3.5 oo sannad-ilayseed.
Ceeryaantan Madaxfardooleydu waxa ay hodan ku tahay Haydaroojiinta iyo boodhka kawniga ah, waxaana ka samaysma xiddigo ugub ah oo aad u tirobadan. Madaxfardooley waxaa loogu magacaabay qaab-abuurkeeda madax faras u eeg, lagu mana arki karo isha caadiga ah ilayskeeda oo yar aawadii, balse tiliskoob haddii aad haysato si wacan baad u arki kartaa.
